श्याम थारी ओल्यूं आवै जी,
म्हाने रात-दिनां ना चैन पड़ै,
थारी याद सतावै जी ||
(तर्ज: तावड़ो मंदो पड़ज्या रे…)
रंग बसंती फीको लागै, केसर की क्यारी,
मोर-पपीहा की बोली भी, लाग रही खारी ,
श्याम म्हानै कुछ ना भावै जी ।
म्हाने रात-दिनां ना चैन पड़ै,
थारी याद सतावै जी ।।
बेणा आओ किशन कन्हाई , राह तकूँ थारी,
थां बिन धीर धरै ना मनड़ो, मोहन गिरधारी,
धीर अब कौण बंधावै जी ।
म्हानै रात-दिनां ना चैन पड़े,
थारी याद सतावै जी ||
आओ रंग-गुलाल हाथ मं, लेकर पिचकारी,
“शर्मा? कै सागै बाबा खेलो, होछी मतवाकी,
गीत फागण का गावै जी |
बीत फागण ना जावै जी |
म्हानै रात-दिनां ना चैन पड़ै,
थारी याद सतावै जी ||