अपने दिल का हाल सुनावन आयां हां
म्हें तो म्हारा श्याम ने रिझावन आया हां |
तर्ज – दे दे थोड़ा प्यार
भजन सुणास्या महिमा गास्यां, श्याम की जय जयकार लगास्यां
भूल चूक की माफ़ी माँगा, रुस्योड़ो घनश्याम मनास्यां
अपने प्रीतम ने मनावन आयां हां
म्हें तो म्हारा श्याम ने रिझावन आया हां ।
______________
श्याम हमारो दिल वालो है, पर थोड़ो सो नखरालो है
इकि बातां म्हें जाना हां, यो तो म्हारो घर वालो है
घर के मालिक से बतलावण आया हां
म्हे तो म्हारा श्याम ने रिझावन आया हां |
______________
सुख को साथी यो जग सारो, दुःख को साथी श्याम हमारो
श्याम ही बिगड़ी बात बनावे, म्हाने श्याम को खूब सहारो
उलझी गाठयां ने, सुलझावन आयां हां
म्हे तो म्हारा श्याम ने रिझावन आया हां |
______________
यो जीवन नैया को मांझी, श्याम मिजाजी हो जा राजी
बिन्नू है चरणां को सेवक, ठाबर से क्यांकी नाराजी
आंयूड़ां की भेंट चढ़ावण आयां हां
म्हे तो म्हारा श्याम ने रिझावन आया हां