प्यारा लागो खाटू का बाबा
श्याम जी, ओ राज,
बाबा थे हो भगता रे घर,
जावना जी राज,
पहल्या म्हारे घरां थे आई ज्यो,
पावणा जी राज….
थाने देख्या नाचे है,
म्हारे मनड़ो रो मोर,
बाबा म्हे तो उडीका,
थारी बाट म्हारा राज,
प्यारा लागो खाटू का बाबा
श्याम जी, ओ राज..
म्हारा हिवड़े रा चोर,
म्हारे काळजे री कोर,
थाने राखु छिपाय
म्हारा नैन, म्हारा राज,
प्यारा लागो खाटू का बाबा
श्याम जी, ओ राज……
नाहीं दिनड़े में चैन,
सूनी लागे सारी रेन,
बेगा आज्यो, फरडुके
म्हारा नैन, म्हारा राज,
प्यारा लागो खाटू का बाबा
श्याम जी,ओ राज,
कइया अटक्या सरेलो,
थाने सांवरा जी राज,
ऊबी चंदा करे छे
अरदास, म्हारा राज,
प्यारा लागो खाटू का बाबा
श्याम जी, ओ राज……
Bhajan Request – Gaurav Tulsiyan
Kahalgaon